نظرية الاكوان المتعددة

نظرية الاكوان المتعددة او الاكوان المتوازية الكون اللي احنا فيه ده مش هو الكون الوحيد وفي غيره اكوان كتير وكلهم شبه بعض فيمكن يكون في نظام شمسي تاني ولكن بترتيب مختلف مثلا في الاكوان التانية النظرية مكانش ليها تأييد كبير من العلماء لما اتطرحت للمرة الأولى؟ لان مستحيل تجيب دليل مادي عليها ولكن مع تطور العلم وتطور الفرضيات اللي اتحطت في النظرية دي ابتدى العلماء يهتموا بيها ،وكان من اكبر المؤييدين العالم الراحل ستيفن هوكينج الموضوع كله بدأ سنة 1900 مع ظهور فرع جديد في الفيزياء اسمه ميكانيكا الكم على يد العالم المشهور ماكس بلانك

نظرية ماكس بلانك بتقول ان الجزيئات ممكن تتصرف بأكتر من طريقة يعني ممكن تاخد سلوك الجسيم او سلوك الموجة والدراسة اللي اعتمدت على فرضيات بلانك وادت لظهور فكرة الاكوان المتعددة هي الانفجار العظيم بقيادة العالم "آلان غوث" كانت ابحاث غوث بتتكلم عن الجزيئات اللي شكلت الكون في اول مراحله وازاي ساعدت بعد كده في توسع الكون وبعد كده وصل لنظرية اسمها (نظرية الجاذبية العكسية) واللي بتوضح التنافر اللي بيحصل بين الاجسام وبعضها والابحاث دي بالرغم من انها كانت فرضيات بحتة أدت لنتائج وبعدها العلماءتنبؤا بوجود اثر حراري ناتج عن الانفجار العظيم ده .. وبالفعل رسموا خريطة حرارية متوقعة للكون ولما قدروا يبعتوا سفينة فضائية متخصصة لفحص الحرارة لقينا ان النتائج الفعلية قريبة جدا ومتوافقة مع الخريطة المتوقعة وده كان الدليل اللي اثبت نظرية آلان غوث وأدت لدراسات وابحاث تانية غريبة لحد ما وصلنا لنظرية الجاذبية العكسية دي ممكن تخلي الاجسام الصغيرة تتنافر وده هيؤدي لتضخم الاجسام الكبيرة اللي بتحتوي على الجسيمات

ولحد دلوقتي لسه الانفجارات دي بتحصل وبتطلع ملايين الاكوان اللي شبه الكون بتاعنا بالظبط او مختلفة عنه كليا والعالم فلينكن افترض ان الفضاء مليان بالطاقة اللي بتخليه يتوسع وان الطاقة دي بتتحد وبتكون جزيئات بتحقق نظرية الجاذبية العكسية وبعد كده ادت للانفجار العظيم بس الموضوع ده بيحصل في كل مكان في الكون علشان كده بتحصل انفجارات تانية بتكون اكوان تانية ولكن فكرة فلينكن مكانش في اي دليل مادي عليها علشان كده مكانتش مقبولة عند آلان غوث وبعدين جا العالم ليندي ومن هنا بدأت نظرية الاكوان المتعددة تنتشر خصوصا مع ظهور نظريات تانية بتدعمها زي نظرية الاوتار ودلوقتي بقوا بيدوروا على طرق يوصلوا بيها للاكوان الموازية ومع ان احنا منقدرش نشوفها لاننا محدودين بسرعة الضوء لكن فعلا جميع الحسابات أكدت ان في اكوان تانية غير الكون بتاعنا الموضوع ده شبه موضوع البلاك هولز او الثقوب السودا البلاك هولز برضه كانت أغرب من الخيال ومحدش كان عارف يجيب اي دليل مادي عليه لحد ما قدرنا نشوف اول صورة حقيقية لبلاك هول في ابريل 2019 علشان كده ممكن في يوم من الايام نثبت نظرية الاكوان المتعددة بالدليل المادي وفي علماء كمان قالوا ان النظرية دي سبب ظاهرة الديجافو فلما تشوف حاجة وتكون فاكر انك شوفتها قبل كده ده بسبب ان الموقف اتكرر مع نسختك في الكون الموازي وفي ناس تانية قالوا ان الاحلام اللي بنحلمها هي احداث حقيقية حصلت لاحدى نسخنا في الاكوان المتوازية في النهاية الاكوان المتوازية هي لسه فرضية لكنها فرضية مثيرة للجدل جدا ومن ضمن النظريات اللي ظهرت للأكوان المتعددة هي نظرية الأوتار ومن النظرية دي بنفهم أن أصغر حاجة في الكون هي الأوتار أيوة أوتار زي اللي فالجيتار ديه وإن كل حاجة بتتكون من أوتار بس شكلها بيختلف من جسم لجسم وكلها مجرد نظرية ظهرت فالقرن العشرين و علماء القرن الواحد وعشرين بيحاولوا يتأكدوا من صحتها

الميزة اللي فيها أن هي بتاخد في الحسبان كافة قوى الطبيعة: ( الجاذبية والكهرومغناطيسية والقوى النووية) فتوحدها في نظرية واحدة تسمى النظرية الأم. و ده اللي أينشتاين كان بيسعي لتحقيقه ف آخر ٣٠ سنة من عمره بس فشل للأسف ولكن العلماء من بعده أكملوا مسيرته وطلعولنا بالنظرية ديه

والكون في تصور هذه النظرية هو عالم ذو عشرة أبعاد مش بس ٤ زي ما إحنا عارفين ويقول أصحاب هذه النظرية بأن الأبعاد الأخرى متكورة على نفسها فهي غير محسوسة لنا، ولا يتأتى ذلك إلا في ظل كميات هائلة من الطاقة تحتاج إلى مسرعات نووية بحجم المجرة

طب هل في أدوات بنستخدمها علشان ندور على الأكوان الأخرى مفيش أدوات أو مهام معينة بتطلق علشان تستكشف الأكوان المتعددة على قد ما بنحاول نفهم طبيعة الكون من خلال التليسكوبات والمهمات الحالية وكمان عن طريق دراسة إشعاع الخلفية الكوني اللي بيعتبر بمثابة فيلم تسجيلي لتاريخ الكون. وفي الختام علشان لو بتفكر تسافر لكون موازي قريب فالعالم شون كارول بيقول انه مش هينفع لأن الاكوان المتوازية مش بتتفاعل مع بعض او مش بتأثر على بعض وعلشان تسافر لكون موازي لازم تكون سرعتك اسرع من سرعة الضوء وده مستحيل طبعا فمتحاولش.

يمكن مع تطور الذكاء الاصطناعي تقدر تعمل نسخ منك تنجز المهام بتاعك أسهل ما تدور وتتوه في الكون على النسخ بتاعتك.