Gravitational Waves

أينشتاين في نظرية النسبية ضم الزمان مع المكان وسماه نسيج الزمكان اللي هو عباره عن نسيج مرن بيقدر ينحني ويتمدد ويكون فية تموجات وفي علاقه بين الزمكان والجاذبية وهي أن الجاذبية عباره عن انحناء في نسيج الزمكان وكل ما كان في ماده وطاقة كل ما كان الانحناء في النسيج كبير ومفروض ان الموجات والانحناءات دي توصلنا ونحس بيها لكن نظرا لأن تأثيرها بيكون صغير جدا مش بنحس بيها فكل ما تبعد الموجات شدتها بأقل

العلماء حاولوا يرصدوا التموجات اللي بتحصل في الزمكان لغاية ما صمم الباحثين في معهد ماساتشوستس جهاز جديد بيعزل التشويش وبيقلل الضوضاء ويساعد على رصد موجات الجاذبية

في سنه ٢٠١٨ نجح العلماء في مرصد ليجو أنهم يرصدوا ست موجات من موجات الجاذبية كانت نشاءت بسبب تصادم ثقوب سوداء مع بعضها ودا كان لية تأثير على نسيج الزمكان وعلشان يرصدوا موجات الجاذبية استخدموا أشعه ضوئية وسلطوا الأشعة دي على مراية بتقسم الشعاع لشعاعين كل واحد موجود جوا أنبوبة والانبوبه دي على شكل حرف L عملاق والانبوبتين دول بنفس الطول فشعاع الليزر هيوصل للنهاية في الانبوبتين في نفس الوقت فالبتالي لما تحصل موجات الجاذبية في طول واحد من الأشعة دي هينكمش والتاني هيتمدد وبكدا يقدروا يرصدوها

لكن دلوقتي بسبب الضوضاء الموضوع بياخد حوالي شهر عشان يظبطوا مرايا الانعكاس ويتجنبوا الضوضاء وحاليا العلماء بيطوروا من الطرق اللي بترصد الموجات عشان ترصد الأمواج لأجسام مختلفه وده اللي حصل في مركز virgo واللي أكتشف العلماء فية موجات جاذبية لاندماج النجوم النيترونية

وبعد ما اكتشفنا الموجات هنستفيد منها اننا بقينا نقدر نشوف الكون صوت وصوره وبكدا هتكون عندنا صوره أعمق للكون وكمان أخبار عن الأحداث الكونيه زي اننا نتعرف على الثقوب السوداء و اننا نعرف عن السوبرنوڤا اكتر واللي بيكون رصدها صعب بسبب الغبار اللي بيسببه الانفجار وهنعرف أكتر عن توسع الكون ونظرية الاوتار ومهم جداا اننا أثبتنا كلام اينشتاين وكانت الموجات هي أول دليل على أصطدام النجوم النيترونية